ကိုဗစ်-၁၉ ရောဂါလက္ခဏာများ အပိုင်း(၁)

ကိုဗစ်-၁၉ ရောဂါလက္ခဏာများ

အဖြစ်များသောရောဂါလက္ခဏာများ

• အဖျားကြီးခြင်း (≥100 F)

• ချောင်းခြောက်ဆိုးခြင်း

• အားအင်ကုန်ခမ်းခြင်း၊ ပင်ပန်းနွမ်းနယ်ခြင်း

• အသက်ရှုကြပ်ခြင်း

• ဝမ်းပျက်ဝမ်းလျှောခြင်း

• အနံ့မရခြင်း၊ အရသာ မရခြင်း

အချို့လူနာများတွင်

• သလိပ်ထွက်ခြင်း

• မောခြင်း

• လည်ချောင်းနာခြင်း

• ခေါင်းကိုက်ခြင်း

• အန်ခြင်း

• မျက်လုံးနီရဲခြင်း

• ကြွက်သားနှင့် အဆစ်အမြစ်များ နာကျင်ခြင်း

• အရေပြားတွင် အနီကွက်များထွက်ခြင်း

(ရောဂါလက္ခဏာမပြသည့် COVID-19 ရောဂါပိုးရှိသောလူနာများလည်း ရှိနိုင်ပါသည်။)

• ရောဂါပိုး ဝင်ရောက်ချိန်မှ ရောဂါလက္ခဏာ ပြသော အချိန်အထိ (၁)ရက်မှ (၁၄)ရက်အထိ ကြာတတ်ပြီး အများစုမှာ (၄-၅) ရက်အတွင်း လက္ခဏာ ပြတတ်ပါသည်။

• အအေးမိ တုပ်ကွေး‌ရောဂါနှင့် COVID-19 ရောဂါ လက္ခဏာ များမှာ အများစု တူညီပါသည်။ ခွဲခြားရန် အလွန်ခက်ပါသည်။ ဖြစ်ကာစတွင် ဖျားခြင်း၊ နှာစေး ချောင်းဆိုးခြင်းများ ရှိနိုင် သော်လည်း COVID-19 ရောဂါတွင် အဖျားကြီးခြင်း၊ ချောင်းခြောက်ဆိုးခြင်း နှင့် အသက်ရှုကြပ်ခြင်း လက္ခဏာများမှာ ပိုမိုတွေ့ရှိ ရတတ်ပါသည်။

ကျန်းမာရေးဝန်ကြီးဌာန၊ အမျိုးသားညီညွတ်ရေးအစိုးရ

(စေတနာဖြင့် ကိုဗစ်-၁၉ ဗဟုသုတစင်တာမှ ပြန်လည်ကူးယူဖော်ပြပါသည်။)